خبر رساں ادارے اے ایف پی کی رپورٹ کے مطابق ایپل کی جانب سے اپنے ایپ اسٹور کی گائیڈ لائنز کو اپ ڈیٹ کرنے سے ڈویلپرز کو پتہ چل گیا ہے کہ وہ اب بیرونی ادائیگی کے پلیٹ فارمز کے لنکس فراہم کرسکتے ہیں ، جس سے لوگ ایپ اسٹور کے ذریعے ادائیگی کیے بغیر اس کی امریکی آن لائن شاپ میں موجود ایپس خرید سکتے ہیں۔
قواعد میں یہ تبدیلی ایسے وقت میں کی گئی ہے جب دو روز قبل ایک امریکی جج نے ایپل پر الزام عائد کیا تھا کہ اس نے ایپ اسٹور کے ادائیگی کے نظام پر اپنی گرفت کو اس حد تک نرم کرنے کے حکم کی خلاف ورزی کی ہے کہ فوجداری الزامات کی ضرورت ہوسکتی ہے۔
امریکی ڈسٹرکٹ کورٹ کے جج یوون گونزالیز راجرز نے پایا کہ ایپل نے ’جان بوجھ کر‘ مقدمے کی سماعت کے دوران جاری کردہ حکم امتناع کی خلاف ورزی کی، کمپنی نے اس کے بجائے ایپ اسٹور کے ساتھ مسابقت میں نئی رکاوٹیں کھڑی کیں اور اس عمل میں عدالت سے جھوٹ بھی بولا۔
ایپل کے ایک ترجمان نے اے ایف پی کو بتایا کہ وہ جج کے فیصلے سے شدید اختلاف کرتے ہیں اور اعلیٰ عدالت میں اپیل کریں گے لیکن اس فیصؒے پر عمل کریں گے۔