امریکا کے نومنتخب مسلمان سینیٹر عبدالسید نے نائب صدر جے ڈی وینس پر سخت تنقید کرتے ہوئے کہا ہے کہ انہیں کسی بھی تباہ کن جنگ کے خلاف آج سے آٹھ ماہ پہلے اپنی آواز بلند کرنی چاہیے تھی۔ انہوں نے مؤقف اپنایا کہ اب جنگ سے پیچھے ہٹنے کی کوششیں محض دکھاوا ہیں۔
عبدالسید نے جے ڈی وینس کو "بزدل” قرار دیتے ہوئے اس بات پر بھی روشنی ڈالی کہ وہ سابق صدر ڈونلڈ ٹرمپ کے ہر فیصلے کی اندھا دھند حمایت کرتے آئے ہیں۔
انہوں نے دوٹوک الفاظ میں تنبیہ کی کہ اگر مستقبل میں جے ڈی وینس نے صدارتی انتخاب میں حصہ لیا، تو وہ ان کی اصل سیاسی شخصیت اور چہرے کو عوام کے سامنے بے نقاب کریں گے۔
گزشتہ روز "ایکسیوس” نے ایک رپورٹ جاری کی تھی جس میں انہوں نے کہا تھا کہ امریکی نائب صدر جے ڈی وینس نے ایران کے معاملے پر اسرائیلی وزیرِ اعظم بنجمن نیتن یاہو پر سخت تنقید کرتے ہوئے الزام عائد کیا کہ اسرائیلی وزیراعظم ایران کے معاملے میں ہر لحاظ سے غلط تھے۔
ذرائع کا حوالہ دیتے ہوئے ایکسیوس نے انکشاف کیا تھا کہ صدر ٹرمپ کے قریبی حلقوں نے، جن کی قیادت نائب صدر جے ڈی وینس کر رہے تھے، صدر کو خبردار کیا تھا کہ جنگ کا یہ عمل عوامی سطح پر غیر مقبول ہے اور اس کی وجہ سے مڈٹرم انتخابات میں ریپبلکن پارٹی کو بھاری سیاسی نقصان اٹھانا پڑا ہے۔