وزیر اعلیٰ پنجاب سردار عثمان بزدار کا کہنا ہے کہ اپوزیشن رہنماؤں کو منفی سیاست سے توبہ کرلینی چاہیئے، اپوزیشن کے سینے میں عوام کا کوئی درد نہیں۔
تفصیلات کے مطابق وزیر اعلیٰ پنجاب سردار عثمان بزدار کا کہنا تھا کہ اپوزیشن نے ملکی مفادات داؤ پر لگانے میں کوئی کسر نہیں چھوڑی، اپوزیشن کا حالیہ بیانیہ پاکستان کے بیانیے کے یکسر خلاف ہے۔
عثمان بزدار کا کہنا تھا کہ اپوزیشن رہنماؤں کو منفی سیاست سے توبہ کرلینی چاہیئے، عوام ملک کے خلاف مذموم سازش کامیاب نہیں ہونے دیں گے۔
انہوں نے کہا کہ اپوزیشن نے کرونا وائرس کے باوجود اجتماعات کی سیاست سے گریز نہ کیا، اپوزیشن رہنماؤں کے سینے میں عوام کا کوئی درد نہیں۔
عثمان بزدار کا کہنا تھا کہ عوامی مسائل سے بے خبر اپوزیشن سیاسی پوائنٹ اسکورنگ میں لگی ہے، اپوزیشن نے عوام کو تقسیم کرنے کی مذموم کوشش کی۔ اپوزیشن کا منفی کردار قابل مذمت ہے۔
انہوں نے مزید کہا کہ وزیر اعظم عمران خان نے ہمیشہ قومی مفاد کو ترجیح دی ہے، اپوزیشن نے ذاتی مفاد کی خاطر پاکستان کے مفادات کو نظر انداز کیا، اپوزیشن رہنماؤں کو پاکستان مخالف بیانیے کا حساب دینا پڑے گا۔