پاکستانی خبریں

وزیراعظم عمران خان کو نوبیل امن انعام دینے کے لیےقومی اسمبلی سیکرٹریٹ میں قرارداد جمع کرا دی گئی ہے

وزیراعظم عمران خان کو نوبیل امن انعام دینے کے لیےقومی اسمبلی سیکرٹریٹ میں قرارداد جمع کرا دی گئی ہے۔ ذرائع کے مطابق وزیراعظم عمران خان کو نوبیل امن انعام دینے کے لیے قرارداد وزیر اطلاعات فواد چوہدری کی جانب سے جمع کرائی گئی۔ قرارداد کے متن میں کہا گیا ہے کہ عمران خان نےکشیدگی کم کرنےکےلیےدانشمندانہ کردار ادا کیا،بھارتی قیادت کا جنگی جنون دونوں ممالک کے درمیان تناؤ کا سبب بنا۔ قرارداد کے مطابق بھارتی قیادت کا اظہارِ جارحیت دونوں ایٹمی ریاستوں کو جنگ کے دہانے پر لےآیا اورعمران خان نےمہارت کے ساتھ اس صورتحال کو امن کی جانب موڑ دیا لہذا امن کے لیے خدمات پر وزیراعظم عمران خان کو نوبل امن انعام دیا جائے۔ واضح رہے وزیراعظم پاکستان عمران خان کے بھارتی پائلٹ کو رہا کرنے کے اقدام کے بعد پوری دنیا سے انہیں ’نوبیل پیس پرائز‘ دینے کےپیغامات جاری ہوئے۔

Related Articles

جواب دیں

آپ کا ای میل ایڈریس شائع نہیں کیا جائے گا۔

Back to top button