محکمہ موسمیات کے مطابق آج شام یا رات سے مغربی ہواؤں کا سلسلہ ملک میں داخل ہونے کا امکان ہے جس کے تحت جولائی کے پہلے ہفتے میں ملک کے مختلف حصوں میں بارش ہو سکتی ہے۔
محکمہ موسمیات نے بتایا کہ بحیرہ عرب سے مرطوب ہوائیں مشرقی و وسطی علاقوں میں داخل ہورہی ہیں جب کہ 2 جولائی سے بھی مرطوب ہوائیں ملک کے بالائی علاقوں میں داخل ہورہی ہیں جس کے باعث یکم سے 6 جولائی کے دوران ملک کے بیشتر مقامات پرگرج چمک کے ساتھ بارش متوقع ہے۔
محکمہ موسمیات کے مطابق 3 اور 4 جولائی کو سکھر، جیکب آباد اور لاڑکانہ میں گرج چمک کے ساتھ ہلکی بارش کاامکان ہے۔
کراچی کے حوالے سے محکمہ موسمیات نے بتایا کہ شہر میں 13 جولائی تک بارش کا کوئی امکان نہیں ہے، آئندہ 3 روز کے دوران مطلع جزوی ابرآلود اور موسم مرطوب رہنےکاامکان ہے جبک ہ اس دوران بونداباندی ہوسکتی ہے۔
محکمہ موسمیات کے مطابق کراچی میں آئندہ 3 روز تیز ہوائیں بھی چلتی رہیں گی جن کی رفتار 30 سے 40 کلومیٹر فی گھنٹہ ہوسکتی ہے۔