شاہین آفریدی سے لڑائی کی خبروں پر بابر اعظم کا ردعمل سامنے آگیا

آئی سی سی کرکٹ ورلڈ کپ میں شرکت کے لیے بھارت روانگی سے قبل قومی ٹیم کے کپتان بابر اعظم نے میڈیا سے گفتگو کی اور اس دوران صحافیوں کے سوالات کے جوابات بھی دیے۔

قومی ٹیم ورلڈ کپ میں اپنا پہلا میچ 6 اکتوبر کو نیدرلینڈز کے خلاف کھیلے گی، 10 اکتوبر کو پاکستان اور سری لنکا کی ٹیمیں مدمقابل آئیں گی جبکہ 14 اکتوبر کو پاکستان کو روایتی حریف بھارت کا چیلنج درپیش ہوگا۔

تاہم بابر اعظم نے میڈیا سے گفتگو کرتے ہوئے کہا کہ شاہین آفریدی سے کوئی لڑائی نہیں ہوئی، ڈریسنگ روم میں ہونے والی بات غلط رنگ دے کر پیش کی گئی۔

یہ بھی پڑھیں: سسرال میں وکٹیں حاصل کرکے جنریٹر چلانا چاہتا ہوں: حسن علی

کپتان نے کہا کہ ‘عزت تو سب ہی کرتے ہیں،جب کوئی میچ قریب جاکر ہاریں تو تھوڑی بہت میٹنگ میں چیزیں چلتی ہیں، اسے یہ پہلو دینا کہ لڑائی ہوگئی ، یہ غلط ہے’۔

انہوں نے کہا کہ تمام کھلاڑی فیملی کی طرح ہیں اور ایک دوسرے سے فیملی کی طرح پیار کرتے ہیں۔