کھیلوں کی خبریں

آئی پی ایل: جیت کے بعد روہت شرما کی گراؤنڈ میں اہلیہ سے ویڈیو کال وائرل

انڈین پریمیئر لیگ (آئی پی ایل) میں ممبئی انڈینز کے کپتان روہت شرما کی گراؤنڈ میں اپنی اہلیہ سے کی جانے والی ویڈیو کال سوشل میڈیا پر وائرل ہورہی ہے۔

گزشتہ روز مقابلے کے بعد گراؤنڈ میں ہی روہت نے اپنی اہلیہ ریتیکا سے ویڈیو کال کی جس میں ان کی اہلیہ نے کہا بیٹی سمائرا (سیمی) مین آف دی میچ کی ٹرافی دیکھ کر بے حد خوش ہوگی جس پر روہت نے کہا وہ بیٹنگ دیکھ کر خوش نہیں ہوئی؟

روہت شرما نے اہلیہ سے کہا کہ یہ ٹرافی میں اسی کے لیے لاؤں گا، ریتیکا نے کہا میں نے میچ ہمارے کمرے میں دیکھا، میں زور سے چیخ رہی تھی، میری آواز بالکل ختم ہوچکی ہے۔

جس پر روہت شرما نے کہا کہ آخری اوور میں میں اندر چلا گیا تھا، مجھ سے آخری اوور نہیں دیکھا جانا تھا، میرے ناخن چبا چبا کر تقریباً ختم ہوچکے ہیں، میں اس گیم کا حصہ تھا، آئی پی ایل کے ان 15 سالوں میں میں نے اس قسم کے گیم بہت کھیلے ہیں۔

واضح رہے کہ آئی پی ایل میں ممبئی انڈینز اور دہلی کیپیٹلز کے درمیان سنسنی خیز مقابلہ ہوا جس میں دہلی کیپیٹلز پہلے بیٹنگ کرتے ہوئے 19.4 اوورز میں 172 رنز بناکر آل آؤٹ ہوگئی۔

جواب میں ممبئی انڈینز نے ہدف آخری گیند پر حاصل کیا اور ٹیم 6 وکٹس سے کامیاب رہی، میچ میں کپتان روہت شرما نے 45 گیندوں پر 65 رنز اسکور کیے اور مین آف دی میچ قرار پائے۔

Related Articles

Back to top button