کھیلوں کی خبریں

اسلام آباد یونائیٹڈ کو بڑا دھچکا، اہم کھلاڑی انجری کا شکار

پاکستان سپر لیگ کے دوران اسلام آباد یونائیٹڈ کی ٹیم کو بڑا دھچکا لگ گیا۔

انگلینڈ سے تعلق رکھنے والے اسلام آباد یونائیٹڈ کے فاسٹ بولر ٹائمل ملز انجری کی وجہ سے پی ایس ایل میں شرکت نہیں کر پائیں گے۔

رپورٹس کے مطابق فاسٹ بولر کو انگلینڈ میں ٹریننگ کے دوران انجری ہوگئی ہے۔

ٹائمل ملز کو اسلام آباد یونائیٹڈ کو آخری 5 میچز کے لیے 27 فروری کو جوائن کرنا تھا۔ اسلام آباد یونائیٹڈ کے نوجوان فاسٹ بولر ذیشان ضمیر بھی فٹنس مسائل کا شکار ہیں۔

دوسری جانب کولن منرو نے فٹنس ٹیسٹ کلیئر کرلیا ہے، ان کی ایکسرے رپورٹ کلیئر آئی ہے اور وہ اگلے میچ کے لیے دستیاب ہوں گے۔ کولن منرو کو لاہور قلندرز کے خلاف میچ میں گیند لگی تھی۔

واضح رہے کہ اسلام آباد یونائیٹڈ اپنا اگلا میچ کل کراچی کنگز کے خلاف راولپنڈی میں کھیلے گی۔

Related Articles

Back to top button