سارے ہتھکنڈے چوروں کے ٹولے کو عوام پر مسلط رکھنے کیلئے کیے جارہے ہیں: شیخ رشید
سماجی رابطے کی ویب سائٹ ٹوئٹر پر جاری بیان میں شیخ رشید نے کہا ہے کہ آج سپریم کورٹ کے حکم کے باوجود الیکشن کمیشن کو 21 ارب نہیں ملے اور فیصلے کی نفی کی گئی ہے۔ سارے ہتھکنڈے چوروں کے ٹولے کوعوام پر مسلط رکھنے کے لیے کیے جارہے ہیں اور عوام کی امنگوں کو کچلاجارہا ہے۔
سابق وفاقی وزیر کا کہنا ہے کہ الیکشن روکنے اور سپریم کورٹ کے فیصلے سے بھاگنے کے لیے 10 روز میں کابینہ کے ریکارڈ 10 اجلاس ہوئے ہیں۔
جو آئین کےساتھ آنکھ مچولی کھیلےگا اسکا انجام براہوگا۔قومی اسمبلی کوڈبیٹنگ کلب بنادیا گیاہےجہاں عوام کی خواہشوں اورانکےووٹ کےحق کاخون ہورہاہے۔عوام ووٹ کےذریعےاپنےمسائل کاحل چاہتےہیں۔اگرآئین اورقانون کو نہ تھاما گیا تو یہ نہ ہوسب ہاتھ ملتےرہ جائیں۔آج انشاءاللہ اپنےوطن واپس آجاؤں گا
— Sheikh Rashid Ahmed (@ShkhRasheed) April 11, 2023
انہوں نے کہا ہے کہ جو آئین کے ساتھ آنکھ مچولی کھیلے گا اسکا انجام براہوگا۔ قومی اسمبلی کو ڈبیٹنگ کلب بنادیا گیا ہے جہاں عوام کی خواہشوں اورانکے ووٹ کے حق کا خون ہو رہا ہے۔
انہوں نے مزید کہا ہے کہ عوام ووٹ کے ذریعے اپنے مسائل کا حل چاہتے ہیں۔ اگر آئین اورقانون کو نہ تھاما گیا تو یہ نہ ہوسب ہاتھ ملتے رہ جائیں۔
