پاکستانی خبریں

سابق صدر آصف زرداری اور ان کی ہمشیرہ فریال تالپور کو احتساب عدالت میں پیش کردیا گیا

جعلی بینک اکاﺅنٹس اور میگامنی لانڈرنگ کیس میں گرفتار سابق صدر آصف زرداری اور ان کی ہمشیرہ فریال تالپور کو احتساب عدالت میں پیش کردیا گیا۔

فریال تالپور نے جیل میں سہولتیں فراہم کرنے کیلئے درخواست دائر کردی۔ تفصیلات کے مطابق احتساب عدالت میں جعلی بینک اکاﺅنٹس اور میگامنی لانڈرنگ کیس کی سماعت ہوگی ،احتساب عدالت کے جج محمد بشیر ریفرنسز کی سماعت کریں گے۔

نیب کی ٹیم نے جوڈیشل ریمانڈ مکمل ہونے پر آصف زرداری اور فریال تالپور کو احتساب عدالت میں پیش کردیا ہے۔ آصف زرداری کا 4 اور فریال تالپور کا 10 روزہ جوڈیشل ریمانڈ مکمل ہو چکا ہے، نیب کی جانب سے ملزمان کے جوڈیشل ریمانڈ میں مزید توسیع کی استدعا کی جائے گی۔

فریال تالپور نے جیل میں سہولتیں فراہم کرنے کیلئے درخواست دائر کردی، وکیل کا کہنا ہے کہ جیل میں قرآن پاک سننا ہوتا ہے اس لئے آئی پوڈر رکھنے کی اجازت دی جائے۔

Related Articles

Back to top button