پاکستان کا کشمیر کے نڈر بیٹے برہان وانی کو تیسری برسی پر خراج عقیدت

پاکستان کی جانب سے کشمیر کے نڈر بیٹے برہان وانی کو تیسری برسی پر خراج عقیدت پیش کیاگیا ہے، ترجمان دفتر خارجہ نے کہا ہے کہ شہید برہان وانی چلے گئے پربھولے نہیں۔

ترجمان دفتر خارجہ ڈاکٹر محمد فیصل نے سماجی رابطے کی ویب سائٹ ٹویٹر پر ٹوئٹ کرتے ہوئے کہا کہ برہان وانی چلے گئے پر بھولے نہیں۔ حق خودارادیت کےلیے جدوجہد بھارتی مظالم کے باوجود جاری ہے۔ انہوں نے مزید کہاکہ برہان وانی کی برسی کےموقع پر کشمیر میں مکمل ہڑتال ہے۔

خیال رہے کہ شہید برہان وانی جنہوں نے صرف 15 سال کی عمر میں بھارتی قبضے کے خلاف جدوجہد آزادی کا آغاز کیا جنہیں 8 جولائی 2016 کو کرناگ قصبے کے بم ڈورہ گاؤں میں شہید کردیا گیا تھا۔

اس خبر پر اپنی رائے کا اظہار کریں