پاکستانی خبریں

پی ٹی آئی کا فیاض الحسن کو دوبارہ پنجاب کابینہ میں شامل کرنے کا فیصلہ

سابق صوبائی وزیر فیاض الحسن چوہان کو دوبارہ پنجاب کابینہ میں شامل کرنے کا فیصلہ کر لیا گیا، فیاض الحسن چوہان کو وزارت جنگلات کا قلم دان ملنے کا امکان ہے، فیاض الحسن چوہان شام پانچ بجے گورنر ہاؤس میں حلف اٹھائیں گے۔

تفصیلات کے مطابق پی ٹی آئی رہنماء اور سابق وزیراطلاعات پنجاب فیاض الحسن چوہان کو دوبارہ پنجاب کابینہ میں لینے کا فیصلہ کر لیا گیا ہے، ان کی تقریب حلف برداری شام پانچ بجے گورنر ہاؤس میں ہو گی، قائم مقام گورنر چودھری پرویز الہیٰ فیاض الحسن چوہان سے حلف لیں گے۔

یاد رہے متنازع بیان دینے پر کچھ ماہ قبل فیاض الحسن چوہان سے وزارت اطلاعات واپس لے لی گئی تھی۔

وزیراعظم عمران خان نے فیاض الحسن چوہان کے بیان کا نوٹس لیتے ہوئے وزیر اعظم نے وزیراعلیٰ پنجاب کو ایکشن لینے کا حکم دیا تھااور کہا تھا کسی بھی مذہب کی دل آزاری قبول نہیں ہوگی جبکہ تمام وفاقی اورصوبائی وزراکو ایسےمعاملات پرمحتاط رہنےکی ہدایت بھی کی تھی۔

Related Articles

Back to top button