کٹھ پتلی وزیراعظم نے عوام کا جینا دوبھر کردیا ہے، بلاول بھٹو زرداری

پاکستان پیپلزپارٹی کے چیئرمین بلاول بھٹو زرداری نے کہا ہے کہ کٹھ پتلی وزیراعظم نے عوام کا جینا دوبھر کردیا ہے، اب ان کے جانے کا وقت آگیا ہے۔

لالہ موسی میں پریس کانفرنس کرتے ہوئے بلاول بھٹو نے کہا کہ عوام کے مینڈیٹ، عوام کی طاقت کو ماننا ہوگا۔ آج بھی غیر جمہوری کوششیں جاری ہیں، 70 سال سے جمہوریت کو نہیں چلنے دیا گیا۔

انہوں نے کہا کہ ہمارے کارکنوں کو ہراساں کیا جارہا ہے، ہمارے راستے میں کنٹینرز رکھ دیے گئے ہیں۔ قافلے کی قیادت خود کر رہا ہوں۔ آج حقیقی جمہوری نمائندے اکھٹے ہوئے ہیں۔ آج گوجرانوالہ میں عوامی سمندر حکومت کے لیے جواب ہوگا۔

انہوں نے کہا کہ وزیراعظم عمران خان کو آج کورونا کا خیال آیا ہے۔ وزیراعظم کہتے تھے جلسے کرنے ہیں تو کنٹینرز ہم دیں گے، لیکن آج تو ہمارے راستے کنٹینرز لگا کر بند کردیے گئے ہیں۔

چیئرمین پیپلز پارٹی بلاول نے کہا کہ اگر گلگت بلتستان قونون ساز اسمبلی کے انتخابات میں دھاندلی ہوئی تو یہ بڑا سیکیورٹی نقصان ہوگا۔

ہمارے گلگت بلتستان میں امیدواروں کو انتخابات کے لیے نااہل قرار دیا جارہا ہے۔ دھاندلی ہوئی تو الیکشن کےدوسرے دن احتجاج کے لیے اسلام آباد آئیں گے۔ گلگت بلتستان میں بھی انتخابات سے قبل دھاندلی شروع ہوچکی ہے

بلاول نے کہا کہ کٹھ پتلی وزیراعظم جنہوں نے عوام کا جینا دوبھر کردیا ہے، ان کے جانے کا وقت آگیا ہے۔ عوام کے مینڈیٹ، عوام کی طاقت کو ماننا ہوگا۔ آج بھی غیر جمہوری کوششیں جاری ہیں، 70 سال سے جمہوریت کو نہیں چلنے دیا گیا۔

 

اس خبر پر اپنی رائے کا اظہار کریں