پی سی بی کے سابق کپتان وسیم اکرم کراچی سی ویو پر گندگی دیکھ کر پھٹ پڑے

پاکستان کرکٹ ٹیم کے سابق کپتان وسیم اکرم کراچی سی ویو پر گندگی دیکھ کر پھٹ پڑے۔

سابق کپتان وسیم اکرم نے سماجی رابطے کی ویب سائٹ ٹوئٹر پر شیئر کی گئی اپنی ویڈیو میں کہا کہ مجھے کراچی سی ویو کی حالت دیکھ کر انتہائی افسوس ہوا۔

انہوں نے کہا کہ میں نے سوچا تھا ہفتے کے پہلے روز سی ویو پر مزہ آئے گا لیکن میں نے اپنی بیوی کو سی وی ویو پر لا کر بہت بڑی غلطی کر دی۔

 وسیم اکرم نے کہا کہ ہمیں کسی پر الزام نہیں لگانا ہے اس تمام صورتحال کے ہم سب ذمہ دار ہیں۔

انہوں نے کہا کہ میری اہلیہ پوری دنیا کو کہتی ہے کہ پاکستان خوبصورت ملک ہے اور لوگ خوبصورت ہیں لیکن یہ بات بھی مانیں کہ لوگ گندے بھی ہیں۔ یہ بات بھی مانیں۔ جنہیں سوشل میڈیا پر نصیحتیں کرنے کا شوق ہے وہ اب نصیحت کریں کہ ان لوگوں کا مائنڈ سیٹ کیسے تبدیل کریں۔

سابق کپتان نے کہا کہ لوگ جو گندگی سمندر میں ڈالتے ہیں وہ ساحل پر آ جاتا ہے۔

اس خبر پر اپنی رائے کا اظہار کریں