65 سالوں میں دوسرا گرم ترین اپریل ریکارڈ

محکمہ موسمیات کی جانب سے گزشتہ ماہ اپریل کی موسمیاتی صورت حال سے متعلق ماہانہ کلائمٹ سمری جاری کی گئی ہے، جس کے مطابق پاکستان کا موسم شدت اختیار کرنے لگا ہے اور اپریل میں ملک میں ریکارڈ توڑ گرمی ریکارڈ ہوئی۔

محکمہ موسمیات کے مطابق گزشتہ 65 برسوں میں ملک میں دوسرا گرم ترین اپریل ریکارڈ ہوا اور اپریل میں ملک میں معمول سےاوسطاً 3.37 ڈگری زائد گرمی ریکارڈ کی گئی۔

مزید بتایا گیا کہ دن کے درجہ حرارت میں معمول سے 4.66 ڈگری اضافہ ہوا، گزشتہ ماہ کے دوران رات کے درجہ حرارت میں معمول سے2.57 ڈگری اضافہ ریکارڈ کیاگیا۔

محکمہ موسمیات کا کہنا تھا کہ ملک کا گرم ترین دن 17 اپریل کو شہید بینظیرآباد میں 49 ڈگری ریکارڈ کیا گیا اور ملک میں معمول سے 59 فیصد کم بارشیں ہوئیں