پاک فوج نے ایک اور کواڈ کاپٹر مار گرایا

سکیورٹی ذرائع کے مطابق، بھارتی فوج کا "فینٹم 4” ماڈل کا کواڈ کاپٹر پاکستانی حدود میں جاسوسی کر رہا تھا جسے پاک فوج نے بروقت کارروائی کرتے ہوئے نشانہ بنایا۔ یہ کارروائی اسی روز میں دوسری مرتبہ کی گئی جب اس سے قبل 5 آسام رجمنٹ کا کواڈ کاپٹر مناور سیکٹر، بھمبر میں بھی مار گرایا گیا تھا۔

سکیورٹی ذرائع کے مطابق لائن آف کنٹرول کے ستوال سیکٹر میں بھارتی فوج کا کواڈ کاپٹر مار گرایا گیا۔ ذرائع کے مطابق بھارتی فوج کا گرایا گیا کواڈ کاپٹر فینٹم فور ہے جوپاکستانی علاقے میں جاسوسی کررہا تھا۔ خیال رہےکہ آج ہی پاک فوج نے ایک بھارتی کواڈ کاپٹربھمبرکے علاقے مناور سیکٹر میں بھی گرایا تھا۔

دفاعی ماہرین کا کہنا ہے کہ بھارتی فوج کے غیر ذمہ دارانہ ایکشن حالات میں مزید کشیدگی کا باعث بن رہے ہیں، دشمن کی اس طرح کی حرکتیں خطے کے امن کو سبوتاژ کرنے کی دانستہ کوششیں ہیں۔ دفاعی ماہرین کا مزید کہنا ہے کہ کواڈ کاپٹر مار گرانا پاک فوج کی پیشہ وارانہ مہارت اور دفاعی تیاری کا منہ بولتا ثبوت ہے، پاک فوج ہرقسم کی جارحیت کا منہ توڑ اور مؤثر جواب دینے کے لیے ہمہ وقت تیار ہے۔

ذرائع کا کہنا ہے کہ بھارتی کواڈ کاپٹرز کی پاکستانی فضائی حدود کی خلاف ورزی مسلسل بین الاقوامی اصولوں اور سرحدی امن کی خلاف ورزی ہے، جس کا موثر جواب دیا جاتا رہے گا۔