امریکا: مسلح شخص کی فائرنگ سے خاتون سمیت 6 افراد ہلاک

مسی سپی ریاست کے حکام کا کہنا ہے کہ فائرنگ کا واقعہ ٹیٹ کاؤنٹی میں پیش آیا، واقعہ میں ملوث حملہ آور کو گرفتار کرلیا گیا ہے۔

غیرملکی میڈیا کے مطابق مسلحہ شخص نے دکان میں داخل ہوکر ایک شخص کو گولی مار کر ہلاک کر دیا، اس سے قبل اس نے ایک قریبی گھر میں داخل ہوکر ایک خاتون کو قتل کیا۔

امریکی میڈیا کے مطابق ملزم نے پھر ایک گھر میں داخل ہوکر مزید دو افراد کو قتل کیا، جبکہ اسی علاقے سے مزید دو افراد کی بھی گولیاں لگی لاش برآمد ہوئیں۔

غیرملکی میڈیا کے مطابق بظاہر لگ رہا ہے کہ ملزم نے اکیلے ہی واردات کو انجام دیا ہے، تاحال فائرنگ کی وجوہات سامنے نہیں آسکیں۔