برطانیہ کی ایرانی آئل ٹینکر چھوڑنے پر مشروط آمادگی

برطانیہ نے ایرانی آئل ٹینکر چھوڑنے پر مشروط آمادگی ظاہر کر دی ہے، دونوں ممالک کے وزرائے خارجہ کے درمیان ٹیلی فونک مذاکرات ہوئے ہیں، برطانیہ کے وزیر خارجہ نے بات چیت کو تعمیری قرار دیا۔

برطانیہ نے ایرانی تیل بردار ٹینکر چھوڑنے پر مشروط آمادگی ظاہر کر دی ہے۔ تہران آئل ٹینکر شام نہ جانے کی ضمانت دے تو اسے چھوڑنے کے لیے تیار ہیں۔

ایران نے کہا ہے کہ تیل بردار جہاز جلد از جلد چھوڑ دیا جائے۔ دونوں ممالک کے وزرائے خارجہ کے درمیان ٹیلی فونک مذاکرات ہوئے ہیں۔

مذید پڑھئے:۔ ایران کا برطانیہ سے جبرالٹر میں پکڑے گئے آئل ٹینکر کو چھوڑنے کا مطالبہ

برطانیہ کے وزیر خارجہ نے کہا ہے ایرانی تیل بردار بحری جہاز خام تیل شام نہ لے جائے۔ انہوں نے ایران سے بات چیت کو تعمیری قرار دیا۔

ایرانی وزیرخارجہ جواد ظریف نے کہا ہے کہ ہرصورت تیل کی ایکسپورٹ جاری رکھیں گے۔ برطانیہ آئل ٹینکر کو جلد چھوڑے تیل بردار ٹینکر کی منزل شام نہیں تھی۔

برطانیہ نے الزام لگایا تھا کہ ایران کا خام تیل شام لے جانا یورپی یونین کی دمشق پر لگائی گئی پابندیوں کی خلاف ورزی ہے۔

اس خبر پر اپنی رائے کا اظہار کریں