لیڈز کی فضاوں میں لہراتے بینرز نے بھارتی بربریت کا پردہ چاک کر دیا

أنام نہاد سیکولر اور دنیا کی بڑی جمہورت ہونے کے دعووں کا شیرازہ برطانیہ کی فضاوں میں بکھر گیا۔ ورلڈ کپ میں لیڈز میں ہونے والے بھارت اور سری لنکا کے میچ کے دوران فضا میں مقبوضہ کشمیر میں جاری قتل عام اور اس کی آزادی کے حق میں بینرز لہرائے گئے۔

بینرز پر کشمیر کو انصاف دو، بھارت کشمیر میں نسل کشی بند اور کشمیر کو آزاد کرنے کے درج نعروں نے بھارت کی فرعونیت اور گھناونا چہرہ سب کے سامنے عیاں کر دیا۔ اس سے پہلے بھارتی سرکار نے پاکستان کو بدنام کرنے کی گھناونی سازش کرتے ہوئے برطانیہ کے ہیڈنگلے سٹیڈیم میں پاک افغان کرکٹ میچ کے دوران فضا میں پاکستان مخالف بینرز لہرائے تھے۔

مقبوضہ کشمیر میں تقریباً تین دہائیوں سے بھارتی فوج کے مظالم کا سلسلہ جاری ہے جس کے نتیجے میں اب تک کم از کم 70ہزار سے زائد افراد اپنی جان سے ہاتھ دھو بیٹھے ہیں۔