سعودی عرب حجاج کرام کے لیے منفرد نوعیت کے خیمے متعارف

یہ منصوبہ منیٰ کے مقام پر حجاج کرام کے لیے کثیر منزلہ خیمہ بستی بسانے کا ہے۔ حج کے موسم میں یہ اپنی نوعیت کا پہلا پروگرام ہے۔

کثیر منزلہ خیمے لگانے کا مقصد منیٰ میں حجاج کرام کے قیام کی زیادہ سے زیادہ گنجائش پیدا کرنا ہے۔

یہ خیمے کئی جدید خصوصیات کے حامل ہیں۔ انہیں ایک سے دوسرے مقام پر منتقل کیا جا سکتا ہے۔ حسبِ ضرورت کھولا اور جوڑا جا سکتا ہے۔

اس کے ساتھ ساتھ یہ خیمے آتشزدگی سے محفوظ ہیں۔ حجاج کرام کے لیے تیار کردہ خیموں میں خوراک کی فراہمی میں تاخیر سے نمٹنے کے انتظامات کیے گئے ہیں۔

خیموں میں خوراک کا سامان فراہم کرنے کے ساتھ خوراک کو ٹھنڈا رکھنے کا خاطر خواہ انتظام کیا گیا ہے۔