بین الاقوامی

غیر قانونی کاروبار، سعودی پولیس نے بھارتی اور بنگالی ملزمان کو گرفتار کر لیا

سعودی پولیس نے ایک کامیاب کارروائی کرتے ہوئے نو غیرملکی افراد کو گرفتار کیا ہے، ملزمان موبائل سموں کی غیر قانونی خرید فروخت میں ملوث ہیں، گرفتار شدگان کا تعلق بھارت اور بنگلہ دیش سے ہے۔

مشرقی ریجن پولیس نے موبائل سم کا غیر قانونی کاروبار کرنے والے غیر ملکی گروہ کو گرفتار کرلیا ہے، سعودی پریس ایجنسی کے مطابق گرفتار شدگان کی تعداد 9 ہے، جن کا تعلق بنگلہ دیش اور انڈیا سے ہے۔

مشرقی ریجن پولیس کے ترجمان کیپٹن محمد الدریہم نے بتایا ہے کہ گرفتار شدگان کی عمریں30سال سے 50 سال کے درمیان ہیں۔

یہ لوگ شہریوں اور مقیم غیر ملکیوں کے شناختی دستاویزات پر انہیں بتائے بغیر موبائل سمیں نکلوایا کرتے تھے، ان کے قبضے سے 37557 سمیں پکڑی گئی ہیں جو مختلف کمپنیوں کی ہیں جبکہ 155 موبائل سیٹ کے علاوہ کئی لیپ ٹاپ بھی ضبط ہوئے ہیں۔

گروہ کے افراد نے اپنی رہائش کو کاروبار کا ٹھکانہ بنا رکھا تھا، جہاں سے وہ جرم کیا کرتے تھے، مذکورہ افراد سے تفتیش جاری ہے، ضابطے کی کارروائی مکمل کرنے کے بعد انہیں پبلک پراسیکیوشن کے حوالے کیا جائے گا۔

Related Articles

Back to top button