بھارت کے بعد چین اورامریکہ آمنے سامنے، کون سے ممالک چین اور کون سے امریکہ کا ساتھ دینے والے ہیں؟ تشویشناک اطلاعات

برطانوی خبررساں ادارے رائٹرز کے مطابق ا مریکہ نے چین سے کہا ہے کہ وہ تین دن میں ہوسٹن میں موجود اپنا قونصل خانہ بند کرے۔

 چین نے اس فیصلے کو تحریکی قرار دے کر فیصلے کے خلاف ردعمل کا اظہار کیا ہے۔ چین وزارت خارجہ کی طرف سے جاری کئے گئے بیان کے مطابق امریکہ نے چین کو ہوسٹن میں اپنا قونصل خانہ بند کرنے کے لئے 3 دن کی مہلت دی ہے۔ بیان میں کہا گیا ہے کہ “چینی قونصل خانے کا ایک مختصر مدت میں اور یک طرفہ شکل میں بند کیا جانا۔ چین مخالف اقدامات میں ایسی شدت سے اضافہ ہے کہ جس کی مثال نہیں ملتی”۔

دوسری جانب برطانوی خبررساں ادارے نے ذرائع کے حوالے سے بتایا ہے کہ چین نے امریکی اقدام کا بھرپور جواب دینے کا فیصلہ کیا ہے ۔

چین نے ووہان میں واقع امریکی قونصلیٹ کو بند کرنے پر غور کررہا ہے۔ اس حوالے سے چینی وزارت خارجہ کا موقف لینے کی کوشش کی گئی تاہم وہاں سے بروقت جواب موصول نہیں ہوسکا۔ اور نہ ہی چین میں موجود امریکی سفارتخانے نے رائٹرز کے سوال کا تاحال جواب دیاہے۔