وزیراعظم کی جانب سے بنیادی اشیاء ضروریہ پر خصوصی ٹارگٹڈ سبسڈی کی منظوری

حکام یوٹیلیٹی اسٹورز کارپوریشن کا کہناہے کہ بی آئی ایس پی کے علاوہ دیگر صارفین کو بھی شاختی کارڈ کی بنیاد پرنسبتا کم سبسڈی ملے گی۔

نوٹیفکیشن کے مطابق عام صارفین کو آٹا 64.80 روپے فی کلو فراہم کیا جائے گا، جب کہ عام صارفین کیلئے گھی کی قیمت 375 روپے کلو مقرر کی گئی ہے۔

یوٹیلیٹی اسٹورز پر چینی کے نظرثانی شدہ نرخوں کا نوٹیفکیشن بھی جاری کیا گیا ہے، جس کے تحت بی آئی ایس پی صارفین کیلئے چینی 70 روپے فی کلو اور دیگر عوام کے لئے چینی 89 روپے فی کلو دستیاب ہوگی۔

حکام یوٹیلیٹی اسٹورزکارپوریشن کا کہنا ہے کہ چینی کا مارکیٹ ریٹ 100 روپے کلو ہے، اور یوٹیلیٹی اسٹورز کو چینی ساڑھے 88 روپے کلو میں پڑ رہی ہے، جب کہ اس سے پہلے چینی کی قیمت خرید 69 روپے 59 پیسے تھی۔

نوٹیفیکیشن میں کہا گیا ہے کہ چینی پر سبسڈی میں نظرثانی ای سی سی کی ہدایت پر کی گئی ہے، اور نئی قیمتوں کا اطلاق آج سے کر دیا گیا ہے۔