40 ہزار روپے مالیت کے انعامی بانڈز کی واپسی کا نیا نظام متعارف

40 ہزار روپے مالیت کے انعامی بانڈز کی واپسی کا نیا نظام متعارف
40 ہزار روپے مالیت کے انعامی بانڈز کی واپسی کا طریقہ کار متعارف کرادیا گیا۔

وفاقی حکومت نے ختم کیے گئے 40 ہزار روپے مالیت کے انعامی بانڈز کی واپسی کا طریقہ کار متعارف کرادیا جس کے تحت 30مارچ 2020 ء تک ان کا اندراج کرایا جاسکے گا۔ ان کی واپسی 3 طریقوں سے ہوسکے گی مگر اس کے بدلے رقم نہیں ملے گی۔

پہلے طریقے کے تحت قومی بچت کے مراکز سے 40 ہزارکے بانڈ کے بدلے سیونگ سرٹیفکیٹس، سیونگ اکاؤنٹس سمیت کسی اسکیم میں سرمایہ کاری کرنا ہوگی۔ دوسرے طریقے کے تحت کمرشل بینکوں میں بانڈز واپس کیے جاسکیں گے مگر وہ نقد رقم نہیں دیں گے بلکہ رقم اکاؤنٹ میں منتقل ہوگی۔ اکاؤنٹ نہ رکھنے والوں کو اکاؤنٹس کھلوانا ہوںگے ۔ تیسرے طریقے کے تحت اسٹیٹ بینک اور مجازشاخوں پراندراج کرانے کیلیے شناختی کارڈ نمبراور دیگر کوائف دینا ہوں گے، اس کیلیے پروفارما جاری کردیا گیا ہے۔

اس خبر پر اپنی رائے کا اظہار کریں