ٹیکنالوجی کی خبریں

انسٹاگرام کا منفرد فیچر جو اس ایپ کوتبدیل کر دے گا

انسٹاگرام میں ایک نئے فیچر کی آزمائش کی جارہی ہے جس سے اس فوٹو شیئرنگ ایپ کے استعمال کا تجربہ بدل جائے گا۔

میٹا کے ایک ترجمان نے تصدیق کی ہے کہ کمپنی کی جانب سے انسٹاگرام میں پوسٹس کو شیڈول کرنے کے فیچر کی آزمائش کی جارہی ہے۔

ابھی لائیو ویڈیوز کو تو 90 دن پہلے ہی شیڈول کیا جاسکتا ہے مگر اس نئے فیچر سے عام پوسٹس کو بھی شیڈول کرنا ممکن ہوجائے گا۔

یہ فیچر اس وقت محدود صارفین کو دستیاب ہے اور ان میں سے ایک نے سب سے پہلے ٹوئٹر پر اس بارے میں بتایا۔

اس فیچر کو استعمال کرنا بھی آسان ہے بس معمول کے مطابق کسی تصویر یا ویڈیو کو پوسٹ کرنا ہوگا۔

ایڈیٹنگ اور ٹیگنگ کے بعد نیچے اسکرول کرنے پر ایڈوانسڈ سیٹنگز میں جائیں تو وہاں شیڈول پوسٹ کا آپشن موجود ہوگا۔

انسٹاگرام کا منفرد فیچر جو اس ایپ کوتبدیل کر دے گا https://suchtv.pk/urdu/technology/item/116433

اس آپشن پر کلک کرکے اپنی پسند کی تاریخ اور وقت کا انتخاب کریں اور بس پوسٹ شیڈول ہوجائے گی۔

جیسا اوپر درج کیا جاچکا ہے کہ یہ فیچر محدود صارفین کو دستیاب ہے تو ضروری نہیں کہ ابھی آپ کو یہ نظر آئے۔

مگر امکان یہی ہے کہ آئندہ چند ہفتوں میں اس فیچر کو تمام صارفین کے لیے متعارف کرایا جاسکتا ہے۔

 

Related Articles

Back to top button