ٹیکنالوجی کی خبریں

ماں کی محبت کو خراج تحسین پیش کرنے کے لیے واٹس ایپ کا شاندار اقدام

دنیا بھر میں ماؤں کا عالمی دن منایا جارہا ہے اس موقع پر پیغام رسانی کی سب سے مقبول ایپلی کیشن واٹس ایپ نے ماں کی محبت کو خراج تحسین پیش کرنے کے لیے اسٹیکرز متعارف کروادیے۔

واٹس ایپ کی جانب سے متعارف کروائے گئے اسٹیکرز میں ماؤں کو مختلف کردار نبھاتے دکھایا گیا ہے۔

واٹس ایپ کی جانب سے سماجی رابطے کی ویب سائٹ ٹویٹر پر اپنے پیغام میں اسٹیکرز کی ویڈیو شیئر کرتے ہوئے لکھا کہ اس ہفتے سمیت ہر ہفتے کے آخر کو ہم ماؤں کے طور پر مناتے ہیں۔

واٹس ایپ کے ٹویٹ کے مطابق ہم ماؤں کے ساتھ گزرے ہر چھوٹے اور بڑے ان لمحات کو یاد کرتے ہیں جو ہمیں شکر گزار بناتے ہیں۔
واٹس ایپ نے اپنے پیغام میں دنیا بھر کی تمام ماؤں کو مدرز ڈے پر مبارک باد بھی پیش کی۔

واضح رہے کہ اس سے قبل واٹس ایپ نے ارتھ ڈے کے موقع پر مختلف اسٹیکرز متعارف کروائے تھے اور صارفین کو بتایا تھا کہ وہ کس طرح زمین کو محفوظ بنا سکتے ہیں۔

Related Articles

Back to top button