فالج کے مریضوں کے لئے خوشخبری

فالج کے مریضوں کے لئے خوشخبری

امریکی ٹیکنالوجی کمپنی ٹیسلا کے بانی ایلن مسک کی نئی ایجاد نے دنیا بھر کو ایک بار پھر حیران کردیا جو فالج سے متاثرہ افراد کے لیے کارآمد ثابت ہو گی۔غیرملکی خبررساں ایجنسی کے مطابق ٹیسلا کے بانی ایلن مسک کی کمپنی نیورا لنک کی جانب سے متعارف کردہ نئی ٹیکنالوجی دماغ کے لیے بلو ٹوتھ سے آراستہ ایک چپ…

ایلن مسک کی ٹیکنالوجی کمپنی کی جانب سے ایک ویڈیو شیئر کی گئی ہے جس میں بندر کو دماغ کا استعمال کرتے ہوئے کمپیوٹر گیم پونگ کھیلتے دیکھا جاسکتا ہے۔

ویڈیو میں 9 سالہ مکاک (ایک قسم کا لنگور) کو کمپیوٹر میں گیم کھیلتے دیکھا جاسکتا ہے، کمپنی کے مطابق بندر کے دماغ کے دونوں اطراف ڈیوائسز لگائی گئیں۔

نیورا لنک نے مختصر ریسیور کے ذریعے کمپیوٹر سے ابلاغ کرنے والی اور دماغ میں نصب کی جانے والی چپ متعارف کروائی ہے جو اس سے قبل بھی جانوروں میں متعارف کروائی جاچکی ہے۔

ویڈیو میں بتایا گیا ہے کہ جانور نے نلکی کے ذریعے ’بنانا اسموتھی‘ کے لیے کمپیوٹر چلانا سیکھ لیا، ویڈیو میں بندر کو جوائے اسٹک کے ذریعے آن اسکرین کرسر چلاتے بھی دکھایا گیا ہے۔

رپورٹ کے مطابق نیورا لنک ڈیوائسز بندر کے برین موٹر کارٹیکس میں نصب کیے گئے 2000 الیکٹروڈ کے ذریعے دماغ کی نقل و حرکت کا ریکارڈ رکھتے ہوئے بازو کو منظم کرتا ہے۔

ایلن مسک کا کہنا ہے کہ جلد انسانوں میں بھی تجربات کا اعلان کیا جائے گا، کامیاب تجربات کے بعد ایسی پراڈکٹ بھی جلد لائی جائیں گی جو فالج سے متاثرہ افراد کے لیے اسمارٹ فون استعمال کرنا ممکن بناسکیں گی۔

اس خبر پر اپنی رائے کا اظہار کریں