ٹیکنالوجی کی خبریں

نوجوان کو واٹس ایپ پرچیٹ پڑی پونے آٹھ لاکھ میں مگر کیسے؟ جانیے تفصیلات

متحدہ عرب امارات میں نوجوان کو واٹس ایپ پر خاتون کے ساتھ چیٹ مہنگی پڑ گئی۔

ابوظبی کی خاتون نے عدالت میں درخواست دائر کی جس میں انہوں نے دعویٰ کیا کہ نوجوان واٹس ایپ پر غیراخلاقی زبان استعمال کرتا ہے۔

عدالت نے اس درخواست کو قابلِ سماعت قرار دیتے ہوئے اسے معمولی جرائم کی سماعت کرنے والی عدالت کو بھیج دیا۔

نوجوان نے عدالت میں اپنی غلطی کا اعتراف کیا اور خاتون سے معافی بھی مانگی مگر جج نے ملزم کو ڈھائی لاکھ درہم جرمانہ ادا کرنے کا حکم دیا۔

عدالتی فیصلے میں لکھا گیا کہ نوجوان نے مدعی خاتون کو اخلاقی نقصان پہنچایا، جس پر اُسے 20 ہزار درہم جرمانہ بطور معاوضہ اور مقدمے کے اخراجات ادائیگی کی سزا سنائی گئی ہے۔

خاتون نے اپنی درخواست میں ہتھک عزت کا دعویٰ بھی کیا تھا جسے عدالت نے مسترد کردیا۔

درخواست گزار نے عدالتی فیصلے کے خلاف دوسری عدالت سے رجوع کیا جس پر جج نے جاری ہونے والے فیصلے کو درست قرار دیتے ہوئے مؤقف اختیار کیا کہ خاتون کو دشنام طرازی سے جتنا اخلاقی نقصان ہوا اُس کے لیے 20 ہزار درہم کا معاوضہ کافی ہے۔

Related Articles

Back to top button