آسٹریلین سائنسدان نے سمندری پانی کو پینے کے قابل اور محفوظ بنانے والی ٹیکنالوجی تیار کرلی

سائنسدانوں نے آدھے گھنٹے سے بھی کم وقت میں سمندری پانی کی بڑی مقدار کو پینے کے قابل اور محفوظ بنانے والی ٹیکنالوجی تیار کرلی ہے۔

ماحول دوست طریقے سے اور قلیل وقت میں کھارے پانی کو پینے کے لائق بنانا اب مشکل نہیں رہے گا۔

جدید ٹیکنالوجی سے تیار ایک فلٹر اور شمسی توانائی کے استعمال سے اس مشکل کو آسان بنایا جائے گا۔

آسٹریلیا کی موناش یونیورسٹی کے مطابق اس پیشرفت سے دنیا کے لاکھوں افراد کو پینے کے صاف پانی کی فراہمی ہوسکے گی اور اس سے توانائی کو موجودہ صفائی کے طریقوں سے کہیں زیادہ بہتر انداز میں استعمال کیا جاسکے گا۔

ورلڈ اکنامک فورم کے مطابق پانی کی قلت آئندہ برسوں میں سب سے بڑے عالمی خطرات میں سے ایک ہے۔

اس خبر پر اپنی رائے کا اظہار کریں