ٹیکنالوجی کی خبریں

اُوبر نے نہایت کم کرایے پر مختصر فاصلے تک کے لیے ہیلی کاپٹر سروس کا اعلان کر دیا

اوبر نے امریکا میں نہایت ارزاں کرایہ پر مختصر فاصلے کے لیے ہیلی کاپٹر سروس کا آغاز کردیا ہے۔ یہ سروس اُس مصروف علاقے میں شروع کی گئی ہے جہاں ٹریفک جام ہونے کے باعث چند منٹوں کا سفر ایک گھنٹے میں طے ہوتا ہے۔

بین الاقوامی خبر رساں ادارے کے مطابق آن لائن ٹیکسی سروس اُوبر نے امریکی شہر نیویارک میں کینیڈی انٹرنیشنل ایئرپورٹ سے صارفین کے لیے نہایت کم کرایے پر مختصر فاصلے تک کے لیے ہیلی کاپٹر سروس کا اعلان کیا ہے۔

یہ سروس اُس مصروف علاقے میں شروع کی گئی ہے جہاں ٹریفک جام ہونے کے باعث چند منٹوں کا سفر ایک گھنٹے میں طے ہوتا ہے۔

اوبر انتظامیہ کا دعویٰ ہے کہ 8 منٹ کی پرواز کے 200 سے 225 ڈالر وصول کیے جائیں گے جس میں صارفین کے زمینی سفر کے اخراجات بھی شامل ہیں۔ پرواز کے لیے صارفین کو ایک چھوٹا سوٹ کیس لانے کی اجازت ہوگی جب کہ صارفین کو سفر سے قبل احتیاطی تدابیر پر مشتمل ایک ویڈیو بھی دکھائی جائے گی۔

ہیلی کاپٹر پرواز کے حقوق ہیلی فلائٹ کے پاس ہیں جو کہ ایک لائسنس یافتہ کمپنی ہے اور جو اوبر کے ساتھ مل کر کام کرے گی تاہم اوبر ہیلی کاپٹر کا کرایہ امریکا کی معروف کمپنی JFK کے کرایے کے برابر ہی ہیں۔

 

 

Related Articles

Back to top button