کھیلوں کی خبریں

پاکستانی سپراسٹارز پھر سے کھیلنے کو ہوئے تیار

دنیا کے تیز ترین فاسٹ بولر اور تیز ترین سنچری بنانے والے دو پاکستانی سپر اسٹار لیجنڈ لیگ کا حصہ بن گئے۔

بلے بازوں کے لیے خوف کی علامت سمجھے جانے والے شعیب اختر اور بولرز کے چھکے چھڑانے والے شاہد خان آفریدی عمان میں ہونے والی لیجنڈ لیگ میں شامل ہو چکے ہیں۔

یہ سپراسٹارز دیگر پاکستانی کھلاڑیوں بشمول اظہر محمود، مصباح الحق، محمد حفیظ، محمد یوسف، عمر گل اور یونس خان کے ساتھ مل کر 11 رکنی ٹیم تشکیل دیں گے جسے ایشیا لائنز ٹیم کہا جاتا ہے۔

ٹیم کے دیگر کھلاڑیوں میں سنتھ جے سوریا، متھیا مرلی دھرن، چمندا واس، رومیش کالوویتھرانا، تلکارتنے دلشان، اپل تھرنگا اور اصغر افغان شامل ہیں۔

واضح رہے کہ عمان نے حال ہی میں آئی سی سی ورلڈکپ ٹی ٹوئنٹی کی مشترکہ میزبانی کی تھی جس کے بعد خلیجی ملک نے کرکٹ کو فروغ دینے کے لیے سابق انٹرنیشنل کھلاڑیوں کی خدمات حاصل کی ہیں۔

Related Articles

Back to top button