کھیلوں کی خبریں

پاکستان کرکٹ ٹیم کے کھلاڑی اعزاز چیمہ کے گھر پر ڈکیتی کی واردات

پاکستان کرکٹ ٹیم کے کھلاڑی اعزاز چیمہ کے گھر ڈکیتی کی واردات ہو گئی۔

تفصیلات کے مطابق لاہور میں ٹیسٹ کرکٹر اعزاز چیمہ کے گھر میں ڈکیتی کی واردات ہو گئی، 2 ڈاکو گن پوائنٹ پر نقدی اور موبائل فون لے کر فرار ہو گئے۔

اعزاز چیمہ کا کہنا ہے کہ دو ڈاکوؤں نے ان کے گھر پر ڈکیتی کی واردات کی، سوسائٹی کے گارڈز کے پہنچنے پر ڈاکو فائرنگ کرتے ہوئے فرار ہوگئے، پولیس کا کہنا ہے کہ اعزاز چیمہ کی درخواست موصول ہو گئی ہے، ملزمان کے خلاف کارروائی کر رہے ہیں۔

یاد رہے کہ ٹیسٹ فاسٹ بولر اعزاز چیمہ گزشتہ برس قائد اعظم ٹرافی فائنل کے بعد فرسٹ کلاس کرکٹ سے ریٹائر ہو گئے تھے، 15 ستمبر 2011 کو زمبابوے کے خلاف بولاوایو میں ٹیسٹ کیریئر کا آغاز کرنے والے اعزاز چیمہ نے ٹیسٹ میچوں میں 31 اعشاریہ 90 کی اوسط سے 20 وکٹیں حاصل کیں۔
اعزاز چیمہ نے 14 ایک روزہ بین الاقومی اور 5 ٹی ٹوئنٹی میچز میں بھی پاکستان کی نمائندگی کی اور بالترتیب 23 اور 8 وکٹیں لیں۔

Related Articles

Back to top button