کھیلوں کی خبریں

نوجوان کھلاڑیوں کو مصباح الحق سے سیکھنے کیلئے سنہری موقع

قومی کرکٹ ٹیم کے بلے باز اسد شفیق کا کہنا ہے کہ مصباح الحق کو ٹیم کا کوچ تعینات کرنا ایک اچھا فیصلہ ہے جس کے بہت مثبت نتائج برآمد ہوں گے اور نوجوان کھلاڑیوں کو مصباح الحق سے سیکھنے کیلئے سنھری موقع ملیں گے۔

ایک انٹرویو میں انہوں نے کہا کہ کھیل کے ایسے موقع پر جب کھلاڑیوں کو کچھ سمجھ نہیں آ رہی ہوتی وہیں مصباح اپنے ٹھنڈے دماغ سے مشکل کا حل نکال لیتے ہیں۔

ان کا کہنا تھا کہ مصباح الحق کافی تجربہ کار ہیں اور ان کی کپتانی میں ہم نے بہت سے میچز جیتے ہیں۔ میں نے بحیثیت کھلاڑی ان سے بہت کچھ سیکھا ہے۔

انہوں نے کہا کہ ٹیم میں موجود نوجوان کھلاڑیوں کے پاس مصباح الحق سے سیکھنے کے لئے سنھری موقع ہے۔

اسد شفیق نے کہا کہ مصباح الحق نے تقریباً دنیا کے ہر کونے میں کرکٹ کھیل کر خود کو منوایا ہے اور وہ اپنے اس تجربے سے ٹیم کو بہت فائدہ پہنچا سکتے ہیں۔

فٹنس کے حوالے سے سوال پر ان کا کہنا تھا کہ دنیا کے تمام بڑی ٹیموں سے مقابلے کے لئے ہم اپنی فٹنس پر بھرپور کام کر رہے ہیں اور مصباح الحق کا بھی یہی ماننا ہے کہ صرف فٹ پلیئر ہی ٹیم کا حصہ بن سکتا ہے۔

قائداعظم ٹرافی کے پہلے راؤنڈ میں بلے بازوں کے سلو اسٹرائیک ریٹ کے حوالے سے بات کرتے ہوئے ان کا کہنا تھا کہ میچ کے لئے جو لو پچ استعمال ہوئی وہ بہت سلو تھی جس کی وجہ سے بلے باز زیادہ تیزی سے رن اسکور نہیں کر سکے۔

 

Related Articles

Back to top button