کھیلوں کی خبریں

محمد حفیظ کا اعظم خان سے متعلق بڑا انکشاف

قومی ٹیم کے سابق کپتان محمد حفیظ کا کہنا ہے کہ ماضی میں اعظم خان کی فٹنس کے حوالے سے بورڈ اور ان کے ذاتی ٹرینر کو کام کرنے پر آمادہ کیا، لیکن اعظم خان کوئی تبدیلی نہ لاسکے۔

قومی ٹیم کے سابق ڈائریکٹر اور کپتان محمد حفیظ نے کہا کہ جارح مزاج اعظم خان کے ساتھ بطور ڈائریکٹر کرکٹ ان کا تجربہ مایوس کن رہا۔

سابق کرکٹر نے کہا کہ پوری ٹیم 2 کلومیٹر کا فاصلہ دس منٹ میں طے کرے تو یہی کام کرنے کے لیے اعظم خان 20 منٹ کا وقت لیں گے۔

انہوں نے کہا کہ افسوس کے ساتھ کہنا پڑتا ہے کہ اعظم خان خود بین الاقوامی کرکٹ کے لیے سنجیدہ سوچ کا مظاہرہ نہیں کر رہے۔

قومی کرکٹ ٹیم کے سابق ڈائریکٹر محمد حفیظ کا مزید کہنا تھا کہ ان کے خیال میں اعظم خان بین انٹرنیشنل کرکٹ کے لیے تیار ہی نہیں ہیں۔

واضح رہے کہ سابق کپتان محمد حفیظ نے پاکستان کے لیے 392 بین الاقوامی میچ کھیلے، انہوں نے ٹیسٹ، ون ڈے اور ٹی 20 کرکٹ میں قومی ٹیم کی قیادت کی۔

دوسری جانب قومی ٹیم کے فاسٹ بولر نسیم شاہ کا کہنا ہے کہ قریب آکر ہار جائیں تو بہت دکھ ہوتا ہے۔

نجی ٹی وی سے بات کرتے ہوئے فاسٹ بولر نسیم شاہ نے کہا کہ امریکا اور بھارت کے خلاف ہماری ٹیم نے توقعات کے مطابق کارکردگی نہیں دکھائی جس پر عوام کے ساتھ ساتھ ہم بھی دکھی ہیں۔

انہوں نے کہا کہ وہ میچ کافی کلوز تھا ایک وقت ایسا تھا کہ ہم جیتنے کے قریب تھے۔

نسیم شاہ نے کہا کہ ہارنے پر دکھ ہوتا ہے اور قریب آکر ہار جائیں تو بہت زیادہ دکھ ہوتا ہے، انہوں نے کہا کہ اگر میں باؤنڈری نہیں مارتا تو کوئی اور مارتا یہ نہیں کہہ سکتے کہ میں پہلے جاکر تو اسکور کرجاتا۔

Related Articles

Back to top button