1965ٔٔء کی جنگ میں پاک فضائیہ کے شاہینوں نے دشمن کو ناقابل یقین شکست دی

ازلی دشمن بھارت کو چھ ستمبر کی وہ صبح تو یاد ہوگی جب پاک فضائیہ کے جری اسکواڈرن لیڈرسجاد حیدرعرف نوزی حیدر نے صرف چھہ سیبر طیاروں کی مدد سے لاہور فتح کرنے کے خمار میں بی آر بی نہر پار کرنے کیلئےبڑھنے والے بھارتی ٹینکوں کے لئے قبرستان بنا دیا۔

دشمن کو اسی دن شام کی یاد بھی آرہی ہوگی جب انہیں سجاد حیدر اورساتھی صرف بیس منٹ میں انتہائی نچلی پرواز کرتے ہوئے پٹھان کوٹ ائر بیس پہنچے تھے اور وہاں کھڑے جدید ترین مگ اکیس طیاروں کو آگ کے گولوں میں تبدیل کردیا تھا۔

بھارت کو شکاریوں کے شکاری کا لقب پانے والے ایم ایم عالم بھی خوب یاد ہونگے جنہوں نے کس طرح ایک منٹ سے بھی کم وقت میں پانچ بھارتی طیاروں کو ملیا میٹ کیا۔

پاک فضایہ کے جانبازوں سیسل چوہدری, سرفراز رفیقی, امتیاز حسین, ایم ایم عالم, ارشد سمیع اور دیگر آج بھی بھارت کیلئے ڈراؤنا خواب ہیں جنہوں نے صرف دو دن میں اپنے سے کئی گنا بڑے بھارتی فضائیہ کے تریپن طیارے تباہ کرکے دھول چٹائی۔