مولانا فضل الرحمان نے ٹرمپ سے متعلق انوکھی بات کہہ ڈالی، حکومت ابھی تک لاعلم

امیر جمعیت علمائے اسلام ف مولانا فضل الرحمن نے یہ بات جے یو آئی آزاد کشمیر کے علمائے کرام کے اہم اجلاس کی صدارت کرتے ہوئے کہی۔ اجلاس میں فیصلہ کیا گیاکہ کشمیر کی خصوصی حیثیت ختم کرنے کے خلاف 19 ستمبر کو مظفرآباد میں آزادی مارچ ہوگا۔ اس موقع پر مولانا فضل الرحمان نے خطاب میں کہا کہ موجودہ حکومت احتجاج کر رہی ہے، جبکہ مودی پوری دنیا کو ہم نوا بنا رہا ہے، مقبوضہ کشمیر کی آزادی تک جے یو آئی اپنی جدوجہد جاری رکھے گی۔

انہوں نے کہا کہ کشمیریوں کی جدوجہد کا فیصلہ اندھیرے میں نہ کیا جائے،کشمیریوں کو خبر میڈیا سے ملتی ہے جبکہ وہ اس معاملہ میں فریق ہیں،کشمیریوں کو اپنی آزادی کی جنگ خود لڑنا پڑے گی۔مولانا فضل الرحمان نے ایک بار پھر کہا کہ کشمیر کی خصوصی حیثیت کی تبدیلی سے موجودہ حکومت باخبر تھی، ٹرمپ جس ثالثی کی بات کر رہا وہ مقبوضہ کشمیر کی نہیں آزاد کشمیر کی بات ہے۔