پاکستانی خبریں

شمالی وزیرستان آپریشن: 2 جوان شہید، 7 دہشت گرد ہلاک

سیکیورٹی فورسز نے شمالی وزیرستان میں سات دہشت گردوں کو مار گرایا، فائرنگ کے تبادلے میں دو فوجی جوانوں نے جام شہادت نوش کیا۔

پاک فوج کے شعبہ تعلقات عامہ (آئی ایس پی آر) کے مطابق 26 جون کو شمالی وزیرستان کے علاقے غلام خان کیلے میں سیکیورٹی فورسز اور دہشت گردوں کے درمیان فائرنگ کا تبادلہ ہوا اور سیکیورٹی مؤثر طریقے سے دہشت گردوں کا مقابلہ کیا۔

سیکیورٹی فورسز کی جوابی فائرنگ میں سات دہشت گرد مارے گئے جن سے اسلحہ اور گولہ بارود برآمد ہوا۔

آئی ایس پی آر کا کہنا ہے کہ مارے گئے دہشت گرد جو سیکورٹی فورسز کے خلاف کئی دہشت گردانہ کارروائیوں میں سرگرم رہے۔

ترجمان پاک فوج کے مطابق فائرنگ کے شدید تبادلے کے دوران صوبیدار منیر حسین اور حوالدار بابو خان ​​نے بہادری سے لڑتے ہوئے شہید ہوگئے. آئی ایس پی آر کے جاری کردہ بیان کے مطابق علاقے میں کسی بھی دوسرے دہشت گرد کو ختم کرنے کے لیے علاقے کی کلیئرنس کی جا رہی ہے۔

Related Articles

Back to top button