شبلی فراز نے مولانا فضل الرحمان کی تحریک عدم اعتماد کے بارے میں کیا کہہ دیا کہ مولانا صاحب بھی آگ بگولا ہو جائیں گے

چیئرمین اور ڈپٹی چیئرمین سینیٹ کے خلاف تحریک عدم اعتماد ناکام ہونے کے بعد پارلیمنٹ ہاؤس کے باہر میڈیا سے بات کرتے ہوئے سینیٹ میں قائد ایوان شبلی فراز کا کہنا تھا کہ ہمیں اپوزیشن سے کوئی گلہ نہیں اور نہ یہ کسی کی فتح ہے، آج کسی کی ہار جیت نہیں ہوئی بلکہ ادارے کی جیت ہوئی ہے، اپوزیشن کو سمجھ نہیں آئی کہ جو کام وہ کررہے ہیں اس سے ان کو نقصان ہوگا،اپوزیشن کو سمجھ جانا چاہیے اب ان کو سنجیدہ ہونا ہوگا۔

شبلی فراز کا کہنا تھا کہ مولانا فضل الرحمان کو سیاست کے لیے مذہب کا نام استعمال نہیں کرنا چاہیے، مولانا فضل الرحمان نے تحریک عدم اعتماد کو اپنے مقاصد کے لیے استعمال کیا، ہم مولانا فضل الرحمان کے پاس چل کر گئے تو وہ سمجھے کہ ہم مدد مانگنے آئے ہیں، ہم مولانا سے مدد مانگنے نہیں انہیں سمجھانے گئے تھے لیکن مولانا کو عزت راس نہیں آئی۔