پاکستانی خبریں

پنجاب بھر میں اسکول 23 دسمبر سے 6 جنوری تک بند کرنے کا فیصلہ

لاہور سمیت پنجاب بھر میں اسکول 23 دسمبر سے 6 جنوری تک بند کرنے کا فیصلہ کر لیا گیا۔

سماجی رابطوں کی ویب سائٹ ٹوئٹ پر وزیر تعلیم پنجاب مراد راس نے اپنی ٹوئٹ میں اعلان کیا ہے کہ پنجاب بھر کے تمام نجی و سرکاری تعلیمی اداروں میں موسم سرما کی چھٹیاں 23 دسمبر سے 6 جنوری تک ہوں گی۔

انہوں نے عوام سے اپیل کی ہے وہ کورونا ویکسینیشن کرائیں اور ایس او پیز پر عمل کریں۔

اس سے پہلے این سی او سی کے اجلاس میں موسم سرما کی تعطیلات تین جنوری سے کرنے کا فیصلہ کیا گیا تھا۔

این سی او سی کے مطابق فیصلہ تعلیمی اداروں میں ویکسی نیشن مکمل کرنے کے لیے کیا گیا ہے، چھٹیوں کا نوٹیفکیشن صوبائی حکومتیں جاری کریں گی۔

این سی اوسی نے والدین سے گزارش کی ہے کہ وہ اپنے بچوں کو جلد از جلد ویکسین لگوائیں۔ والدین سے اپنے بچوں کو پولیو سے بچائوکے ٹیکے بھی لگوائیں، وہ لوگ جنہوں نے ابھی تک کورونا کی اپنی دوسری خوراک نہیں لگوائی وہ فوری طورپردوسری خوراک لگوائیں۔

جبکہ سخت سرد موسم یا فوگ والے علاقوں میں چھٹیوں کا تعین صوبائی حکومتیں کریں گی۔

Related Articles

Back to top button