پاکستانی خبریں

بھارتی حکومت نے کرتار پور راہداری کھولنے کا اعلان کردیا

بھارتی حکام نے طویل مدت کے بعد کرتار پور راہداری 19 نومبر سے کھولنے کا اعلان کردیا ہے۔ بھارتی میڈیا رپوٹ کے مطابق بھارتیہ جنتا پارٹی(بی جے پی) کےسکھ ارکان پارلیمنٹ نےبھارتی وزیر اعظم نریندر مودی سےکرتار پور راہداری کھولنے کی درخواست کی تھی۔

بھارت حکام نے عالمی وائرس کورونا کی وجہ بتا کر 16 مارچ 2020  کو کرتار پور راہداری بند کر دی تھی تاہم بھارت نے کرتار پور راہداری کھولنے پر مذاکرات کی پاکستانی پیشکش قبول کرلی

رپوٹ کے مطابق بھارت میں سکھوں کی تمام تنظیموں نے بھی راہداری کھولنے کے لیے دباؤ ڈالا تھا جس کے بعد بھارتی حکومت نے باباگورو نانک کی 552 ویں سالگرہ پر کرتار پور راہداری کھولنےکا اعلان کردیا۔

سربراہ پاکستان متروکہ وقف املاک بورڈ ڈاکٹر عامر نے جیو نیوز سےگفتگو میں بتایا کہ انہیں بھارت کی جانب سے کرتار پور راہداری 19 نومبر کو کھولنے کے غیر سرکاری انتظامات کاعلم ہے، تاہم بھارت کی طرف سے پاکستان کو سرکاری طورپر تاحال مطلع نہیں کیاگیا۔

Related Articles

Back to top button