فاٹا سے ایک اور کامیاب آزاد امیدوار کی تحریک انصاف میں شمولیت
تفصیلات کے مطابق فاٹا انتخابات میں اورکزئی سے منتخب ہونے والے رکن صوبائی اسمبلی اور جی جی جمال نے اسلام آباد میں وزیراعظم عمران خان سے ملاقات کر کے تحریک انصاف میں شمولیت کا اعلان کیا۔
دونوں اراکین نے عمران خان اور تحریک انصاف کی حکومت پر اعتماد کا اظہار کرتے ہوئے غیر مشروط حمایت کی یقین دہانی کرائی۔
وزیراعظم سے اراکین کی ملاقات کے دوران وزیر اعلیٰ خیبرپختونخواہ محمود خان اور سینئر رہنما جہانگیر ترین بھی موجود تھے۔ دونوں اراکین کو شمولیت کے بعد پارٹی مفلر پہنایا گیا۔
جہانگیر ترین نے سماجی رابطے کی ویب سائٹ پر ٹویٹ کرتے ہوئے کہا کہ ’’اورکزئی سے منتخب ہونے والے رکن صوبائی اسمبلی غازی غزن جمال کو خوش آمدید کہتا ہوں، تحریک انصاف ہمشہ نوجوانوں کی حوصلہ افزائی کرتی ہے‘‘۔
A very warm welcome to the independent winning MPA from Orakzai, Ghazi Ghazan Jamal. He’s a LUMS graduate & a Fulbright scholar. PTI has always encouraged talented youngsters like Ghazan to be a part of politics. Really happy that he & his father, Dr. GG Jamal both have joined us pic.twitter.com/nOnFYPsFqS
— Jahangir Khan Tareen (@JahangirKTareen) July 26, 2019
یاد رہے کہ خیبر پختونخوا میں ضم ہونے والے7 قبائلی اضلاع کی16 صوبائی نشستوں پر 20 جولائی کو ملکی تاریخ میں پہلی بار انتخابات کا انعقاد کیا گیا تھا۔ الیکشن کمیشن کے نتائج کے مطابق آزاد امیدواروں نے چھ، تحریک انصاف نے پانچ اور جمعیت علمائے اسلام (ف) نے تین نشستوں پر کامیابی حاصل کی۔
گزشتہ روز قبائلی علاقے کے حلقہ پی کے 107 ضلع خیبر سے کامیاب ہونے والے محمّد شفیق آفریدی نے وزیراعلیٰ خیبرپختونخواہ اور پی ٹی آئی کے مرکزی رہنما جہانگیر ترین سے ملاقات کی تھی۔ محمد شفیق آفریدی نے عمران خان اور حکومت کی پالیسیوں کو سراہتے ہوئے پاکستان تحریک انصاف میں شمولیت کا اعلان کیا تھا۔
