زلزلہ زدگان کیس: ادھر شہباز شریف نے کیس کیا اور ادھر خبر دینے والا صحافی ایک بار پھر میدان میں آن کھڑا ہوا
برطانوی صحافی ڈیوڈ روز نے اپنے ٹوئٹ میں کہا کہ وہ شہباز شریف کی جانب سے جاری کیے جانے والے حالیہ بیان کے بارے میں صرف ایک بات کہیں گے۔ ’شہباز شریف شکایت کرتے ہیں کہ زلزلہ 2005 میں ان کے وزیر اعلیٰ بننے سے پہلے آیا تھا لیکن پاکستان کی ایک عدالت میں پیش کیے گئے شواہد کے مطابق زلزلہ ریلیف فنڈ میں مبینہ خورد برد 2009 سے 2011 کے دوران ہوئی ، کیا شہباز شریف اس بات کو مسترد کرتے ہیں؟‘۔
I’m only going to make one comment on Shahbaz Sharif’s recent statements. He complains the earthquake was in 2005, before he became CM. But according to evidence already aired in a Pakistani court, the alleged thefts from the quake relief fund were in 2009 and 2011. Refutation?
— David Rose (@DavidRoseUK) July 26, 2019
خیال رہے کہ گزشتہ دنوں ڈیلی میل پر شائع ہونے والی اپنی خبر میں برطانوی صحافی ڈیوڈ روز نے دعویٰ کیا تھا کہ شہباز شریف نے بطور وزیر اعلیٰ پنجاب زلزلہ زدگان کی امداد کے لیے برطانیہ سے ملنے والی رقم میں خورد برد کی تھی۔ برطانیہ کے جس سرکاری ادارے نے امداد فراہم کی تھی اس نے صحافی کے دعویٰ کو مسترد کردیا تھا تاہم صحافی اپنی خبر پر قائم رہا جس کے بعد شہباز شریف نے اخبار کے خلاف برطانیہ میں ہرجانے کا دعویٰ دائر کرنے کا اعلان کیا تھا۔
اپوزیشن لیڈر شہباز شریف نے جمعہ کو برطانوی لا فرم کارٹرر ک کی خدمات حاصل کرکے ڈیلی میل کے خلاف برطانیہ میں مقدمہ دائر کیا ہے۔
Have served legal notice to the DailyMail. Details in the attached image pic.twitter.com/rT4FHcXefB
— Shehbaz Sharif (@CMShehbaz) July 26, 2019