پاکستانی خبریں

ایل او سی کا دورہ کرانے پر او آئی سی وفد کا پاک فوج سے اظہار تشکر

پاکستان کے دورے پر موجود او آئی سی وفد نے لائن آف کنٹرول کا دورہ کیا ہے۔

پاک فوج کے شعبہ تعلقات عامہ آئی ایس پی آر کی جانب سے جاری بیان میں بتایا گیا کہ او آئی سی وفد نے لائن آف کنٹرول کا دورہ کیا، وفد نے چریکوٹ سیکٹر میں صورت حال کا مشاہدہ کیا، اس موقع پر وفد کو ایل او سی کی سیکورٹی صورت حال پر مفصل بریفنگ دی گئی، اس کے علاوہ وفد کو شہریوں کےتحفظ اوربلا اشتعال فائرنگ سےبچاؤ کے انتظامات پرآگاہی دی گئی۔

آئی ایس پی آر کے مطابق وفد کو بتایا گیا کہ شہریوں کو فائرنگ سےبچنےکیلئےکمیونٹی بنکرز تعمیرکرکے دیئے، دورے کے موقع پر وفد نے بھارتی بلااشتعال فائرنگ سے متاثرہ افراد سے بھی ملاقات کی اورسول انتظامیہ اورویلج ڈیفنس کمیٹیز کے ارکان سے بھی ملاقاتیں کیں۔

آئی ایس پی آر کی جانب سے جاری بیان میں کہا گیا کہ وفد نے ایل او سی دورے سے متعلق پاک فوج کےتعاون کا شکریہ ادا کیا، پاک فوج کی بدولت اوا ٓئی سی وفد کو ایل اوسی پر صورتحال خود دیکھنے کا موقع ملا۔

Related Articles

Back to top button