پاکستانی خبریں

فیٹف کےحوالےسے ہماری پیشرفت سےانکار نہیں، اپنےدونوں ایکشن پلان مکمل کرلیں گے،حماد اظہر

 بھارت کی جانب سے پاکستان کے خلاف فیٹف کے سیاسی استعمال کے اعتراف پر وفاقی وزیر پٹرولیم حماد اظہر نے اہم بیان دیا ہے۔

تفصیلات کے مطابق وفاقی وزیر پٹرولیم حماد اظہر نے سماجی رابطے کی ویب سائٹ ٹوئٹر پر جاری اپنے بیان میں کہا کہ بھارت کی وزارت خارجہ نےپاکستان کےمؤقف کی تصدیق کردی ہے، بھارت ایف اے ٹی ایف کا تیکنیکی معاملہ سیاسی بناکر خراب کررہا ہے۔

حماد اظہر کا کہنا تھا کہ ایف اے ٹی ایف کےحوالےسے ہماری پیشرفت سےانکار نہیں کیاجاسکتا،جلد ہی ہم اپنےدونوں ایکشن پلان مکمل کرلیں گے۔
بھارتی میڈیا رپورٹ کے مطابق وزیر خارجہ جے شنکر نے بی جی پی رہنماؤں کے سامنے اعتراف کیا کہ بھارت کی کوشش سے پاکستان فیٹف کی گرے لسٹ میں رہا، ہماری ہی کوششوں سے پاکستان فیٹف کے ریڈار پر آیا۔

یاد رہے کہ پاکستان نے گرےلسٹ میں برقرار رکھنے پر فیٹف کے سیاسی استعمال کا سوال اٹھایا تھا، وفاقی وزیر خارجہ شاہ محمودقریشی نےگرے لسٹ میں برقرار رکھنے کے فیٹف کے فیصلے پر سوال اٹھایا تھا کہ یہ سیاسی ہے یا پھر تکنیکی۔

 

The statement of Indian External Affairs minister only confirms what Pakistan has been saying all along; India actively politicises & undermines the technical processes & spirit of FATF.
Our progress is nevertheless undeniable & we shall soon be completing both our action plans.

— Hammad Azhar (@Hammad_Azhar) July 19, 2021 >

انہوں نے کہا تھا کہ گرے لسٹ میں رکھنا پاکستان پر دباؤ برقرار رکھنے کی کوشش ہے، فیٹف کو مذ موم مقاصد کے لیے سیاست زدہ کیا جا رہا ہے، ریکارڈ پر ہے فیٹف سے متعلق یہ کئی بار کہہ چکا ہوں۔

وزیر خارجہ کا کہنا تھا کہ بھارت فیٹف پلیٹ فارم کو سیاسی طور پر استعمال کرنا چاہتا ہے، ہم نے ٹھوس اقدامات اٹھائے ہیں، بلاشبہ ان اقدامات میں ہمارا ہی مفاد ہے، لیکن ٹھوس اقدامات کے باوجود ہم پر گرے لسٹ کی تلوار لٹکائے رکھنا درست نہیں ہے۔

یاد رہے کہ گذشتہ ماہ منی لانڈرنگ اور دہشت گردوں کی مالی معاونت کی روک تھام کے عالمی ادارے فائنینشل ایکشن ٹاسک فورس (ایف اے ٹی ایف) نے پاکستان کو گرے لسٹ میں برقرار رکھنے کا فیصلہ کیا تھا۔

خیال رہے کہ2018 میں ایف اے ٹی ایف نے پاکستان کو گرے لسٹ میں شامل کیا تھا۔

Related Articles

Back to top button