پاکستانی خبریں

ڈیرہ غازی خان میں دہشت پھیلانے والے لادی گینگ کا سرغنہ پولیس مقابلے میں مارا گیا

پنجاب کے ضلع ڈیرہ غازی خان میں دہشت پھیلانے والے لادی گینگ کا سرغنہ پولیس مقابلے میں مارا گیا ہے۔ شکارپور میں مبینہ پولیس مقابلہ، 6 ڈاکو مارے گئے

ضلعی پولیس آفیسر (آر پی او) فیصل رانا نے بتایا کہ تھانہ کوٹ مبارک کے علاقے میں ہونے والے پولیس مقابلے میں لادی گینگ کا سرغنہ خدا بخش عرف حدی مارا گیا ہے۔

فیصل رانا کے مطابق سرچ آپریشن کے دوران ملزمان نے پولیس پارٹی پر فارئنگ کی جس پر اہلکاروں نے اپنا دفاع کرتے ہوئے جوابی فائرنگ کی اور نتیجتاً سرغنہ لادی گینگ خدا بخش عرف حدی مارا گیا۔

آر پی او فیصل رانا نے بتایا ہے کہ ملزم قتل، اقدام قتل، دہشت گردی، ڈکیتی، اغوا برائے تاوان اور پولیس مقابلے کی متعدد وارداتوں میں مطلوب تھا۔

پولیس مقابلے میں مارے جانے والے خدا بخش عرف حدی نے ایک شخص کو قتل کرکے اس کی ویڈیو سوشل میڈیا پر بھی وائرل کی تھی۔ وزیر اعظم عمران خان اور وزیراعلی پنجاب عثمان بزدار نے اس پر گینگ کے خلاف آپریشن کا حکم دیا تھا۔

 

Related Articles

Back to top button