پاکستانی خبریں

نادرا نے بیرون ملک مقیم پاکستانیوں کی بڑی مشکل حل کر دی، مزید جانیے تفصیلات میں

چیئرمین نادرا طارق ملک کا کہنا ہے کہ بیرون ملک مقیم پاکستانی گھر بیٹھے نادرا کی ڈیجیٹل سروسز سے مستفید ہوں گے،سہولت کو ایک سال میں 52 ممالک تک وسعت دی جائے گی۔

وزیرخارجہ شاہ محمودقریشی سےچیئرمین نادرا طارق ملک کی وزارت خارجہ میں ملاقات ہوئی ، ملاقات میں سمندرپارپاکستانیوں کو نادرا کی جانب سے فراہم مختلف سہولتوں پرتبادلہ خیال کیا گیا۔

وزیر خارجہ نے بطور چیئرمین نادرا ذمہ داریاں سنبھالنے پر طارق ملک کو مبارکباد دی ، اس دوران طارق ملک نے سمندرپارپاکستانیوں کوجانشینی سرٹیفکیٹ کے حصول سے متعلق آگاہ کیا۔

چیئرمین نادرا طارق ملک نے بتایا کہ بیرون ملک مقیم پاکستانی گھر بیٹھے نادرا کی ڈیجیٹل سروسز سے مستفید ہوں گے،سہولت کو ایک سال میں 52 ممالک تک وسعت دی جائے گی۔

شاہ محمود قریشی کا کہنا تھا کہ بیرون ملک مقیم پاکستانی ہمارا قیمتی اثاثہ ہیں، بیرون ملک مقیم پاکستانیوں کی فلاح و بہبود اولین ترجیحات میں شامل ہے۔

Related Articles

Back to top button