پاکستانی خبریں

عثمان کاکڑ کی موت کی وجہ جاننےکیلئے جوڈیشل کمیشن قائم کرنے کا فیصلہ

بلوچستان حکومت نے پشتونخوا ملی عوامی پارٹی (پی کے میپ) کے سینیئر رہنما و سابق سینیٹر عثمان کاکڑ کی موت کی وجہ جاننےکیلئے جوڈیشل کمیشن قائم کرنے کا فیصلہ کرلیا۔

بلوچستان حکومت نے جوڈیشل کمیشن بنانےکیلئے رجسٹرار بلوچستان ہائیکورٹ کو مراسلہ ارسال کیا ہے جس میں جسٹس نعیم اختراورجسٹس ظہیرالدین کاکڑکو کمیشن میں شامل کرنےکی تجویز دی گئی ہے۔

مراسلے میں کہاگیا ہے کہ جوڈیشل کمیشن کے قیام سے متعلق جج صاحبان کی نامزدگی ارسال کی جائے۔

خیال رہے کہ گزشتہ دنوں پشتونخوا ملی عوامی پارٹی کے سینیئر رہنما عثمان خان کوئٹہ میں اپنے گھر میں گر کر شدید زخمی ہو گئے تھے جس کے بعد انہیں اسپتال منتقل کیا گیا تھا اور وہ آئی سی یو میں تھے۔

انہیں کوئٹہ سے کراچی کے نجی اسپتال منتقل کیا گیا تاہم وہ 21 جون کو انتقال کرگئے تھے۔

Related Articles

Back to top button