وزیراعظم عمران کا امریکا پہنچنے پر شیانِ شان استقبال، نعرے اور سبز ہلالی پرچم بھی لہرائے

وزیراعظم پاکستان کا امریکا پہنچنے پر دیسی انداز میں کپتان کا پر تپاک استقبال کیا جہاں ان کا امریکی محکمہ خارجہ کے سینئر حکام نے خوش آمدید کہا۔ پاکستان ہاؤس پہنچنے پر پی ٹی آئی کارکنان نے پر جوش انداز میں نعرے لگائے اور بھنگڑے ڈال کر خیرمقدم کیا۔

وزیراعظم سیکیورٹی قافلے میں واشنگٹن میں سفیر پاکستان کی رہائشگاہ پاکستان ہاؤس پہنچے ۔ ان سے ٹیکساس سے تعلق رکھنے والے تاجر طاہر جاوید سے ملاقات ہوئی جس میں سرمایہ کاروں کی پاکستان میں سیکیورٹی صورتحال کی بہتری کی تعریف کی گئی۔

گزشتہ روز وزیراعظم عمران خان دورہ امریکا کیلئے کمرشل فلائٹ سے براستہ دوحا واشنگٹن کیلئے روانہ ہوئے تھے۔ قطرائیرویز کے چیف ایگزیکٹو آفیسر اکبر الباکر نے وزیراعظم عمران خان سے دوحا ائیرپورٹ پر ملاقات کی تھی۔