50 سے 59 سال کی عمرکے افراد کیلئے ویکسینیشن مہم شروع کر دی گئی

50 سے 59 سال کی عمرکے افراد کیلئے ویکسینیشن مہم شروع کر دی گئی

پنجاب کی وزیرِ صحت ڈاکٹر یاسمین راشد نے 50 سے 59 سال تک کی عمر کے افراد کیلئے ویکسی نیشن مہم آج سے شروع کرنے کی ہدایت کر دی۔

ایک بیان میں ڈاکٹریاسمین راشد نے کہا کہ کوروناکی صورت حال کا لمحہ بہ لمحہ جائزہ لیا جارہا ہے، ویکسی نیشن سینٹرزپر عملے کی تعداد بھی بڑھادی ہے ،لوگ تصدیقی کوڈ ملنےکے بعد ہی ویکسی نیشن سینٹرزپر تشریف لائیں۔

انہوں نے کہا کہ عوام کورونا سے بچاؤ کے لیے احتیاط کریں، حکومت اور عوام مل کرکورونا کو شکست دیں گے۔

ڈاکٹر یاسمین راشد کا کہنا تھا کہ عوام مزید معلومات کے لیے 1033 پرکال یا رجسٹریشن کے لیے 1166پر میسیج کرسکتے ہیں۔

اس خبر پر اپنی رائے کا اظہار کریں