عدالت نے ملتان میں آم کے درختوں کی کٹائی پر پابندی عائد کر دی

عدالت نے ملتان میں آم کے درختوں کی کٹائی پر پابندی عائد کر دی

لاہور ہائی کورٹ نے ملتان میں آم کے درخت کاٹنے پر پابندی عائد کر دی ہے۔لاہور ہائی کورٹ کے ملتان بینچ نے ملتان میں ہاؤسنگ کالونیوں کے تعمیراتی کاموں کے دوران آم کے درختوں کی کٹائی کا معاملہ پر سماعت کی۔

عدالت نے آم کے درختوں کی کٹائی پر حکم امتناعی جاری کرتے ہوئے اولیا کے شہر میں آم کے درخت کاٹنے پر پابندی لگا دی ہے۔

عدالت نے چیف آفیسر میٹرو پولیٹن کارپوریشن اور ڈی جی ایم ڈی اے سے اس بابت وضاحت بھی طلب کر لی ہے۔
صدر ہائیکورٹ بار ریاض الحسن گیلانی نے ریمارکس دیے کہ کالونیوں کے نام پر آم کے درختوں کی بے دردی سے کٹائی جاری ہے، ماحولیاتی آلودگی کی تبدیلی کی بڑی وجہ بھی درختوں کی کمی ہے۔

اس خبر پر اپنی رائے کا اظہار کریں